Учреждение Заслуженный коллектив Республики Беларусь
Белорусский государственный академический музыкальный театр
Главная/Пресса/Iсцiна? У любовi! (2003 г., Лiтаратура і мастацтва)

Iсцiна? У любовi! (2003 г., Лiтаратура і мастацтва)

ВСЯ АФИША
Подписаться на рассылку:
это поле обязательно для заполнения
Имя:*
это поле обязательно для заполнения
Фамилия:*
это поле обязательно для заполнения
E-mail:*
Спасибо! Форма отправлена
Опрос
Вы уже видели премьеру оперетты "Прекрасная Елена"? Как впечатления?
« Назад

IСЦIНА? У ЛЮБОВI!

10 гадоў для балета – шмат. Сярэдзіна творчага шляху. Зеніт жыцця ў мастацтве. У Юліі Дзятко ды Канстанціна Кузняцова – вядучага дуэта балетнай трупы Беларускага дзяржаўнага музычнага тэатра (i дуэта сямейнага) – жыццё яркае. Як i належыць зоркам. Яны ззяюць на першых ролях у спектаклях "Жызель", "Дон Kіхот", "Зачараваны прынц" ("Шчаўкунчык")… Іх запрашае маэстра В. Елізар'еў танцаваць галоўныя партыі ў спектаклях Нацыянальнага акадэмічнага тэатра балета.

Дарэчы, сцэна з "Рамэо i Джульеты" ў яго пастаноўцы была паказана падчас вечарыны, зладкаванай да 10-годдзя творчай дзейнасці дуэта. Прыгожае атрымалася свята! Класічнымі (i класнымі) танцоўшчыкамі паўсталі Ю. Дзятко ды К. Кузняцоў у "Арлекінадзе", "Эсмеральдзе". Артыстызм, стыльнасць, адухоўленасць мастацкага вобраза, тэхнічнасць у выкананні скачкоў i вярчэнняў. Скульптурная выразнасць складаных падтрымак. Агульнае творчае дыханне…

Нібы ўсё новыя размаітыя кветкі, "юбілейны букет" дапаўнялі нумары іншых артыстаў Беларускага дзяржаўнага музычнага тэатра: класіка, мадэрн… Прынамсі, мініяцюры ў пастаноўцы Раду Паклітару "Беларускае галашэнне" ды "Флейта Пана". Знаны балетмайстар з Малдовы, вучань Валянціна Елізар'ева, да вечарыны cвaix сяброў падрыхтаваў i прэм'еру. Яго харэаграфічная сюіта "In pivo Veritas" на матывы ірландскіх піўных песень ды музыку эпoxi Рэнесансу была паказана ў другой частцы імпрэзы. Бурапеннай фантазіяй, простанародным гумарам, дасціпнай пластыкай поўніліся агульныя мізансцэны, ансамблі вясёлых маладых танцораў, сольныя варыяцыі герояў урачыстасці.

"Ісціна – ў віне", – сцвярджае антычная мудрасць. "У півe", – з усмешкаю папраўляюць чыннікі новага відовішча. "Ісціна – ў любові, – пераконваюць тыя, хто аддае сябе мастацтву. Сярод ix – i лаурэаты шасці міжнародных конкурсаў Ю. Дзятко ды К. Кузняцоў.

Пры канцы вечарыны ix віншавалі ўсе разам. Калегі, публіка, кіраўніцтва культуры горада, галоўны балетмайстар тэатра Н. Дзячэнка i дырэктар A. Icaeў. Ён, дарэчы, выказаў пажаданне, каб радзіма лепш ведала i цаніла свае таленты, любіла i своечасова падтрымлівала ix, не шкадуючы i ганаровых званняў…

С. БЕРАСЦЕНЬ.
Лiтаратура і мастацтва. – 2003. – 28 лют.



тел.: (017) 275-81-26

220030, г. Минск, ул. Мясникова, 44

Свидетельство о государственной регистрации № 100744263 от 18 февраля 2009г., УНП 100744263

Исключительные права на материалы, размещенные на Интернет-сайте Белорусского государственного академического музыкального театра (www.musicaltheatre.by), в соответствии с законодательством об авторском праве и смежных правах Республики Беларусь, принадлежат Учреждению “Заслуженный коллектив Республики Беларусь “Белорусский государственный академический музыкальный театр” и не подлежат использованию в какой бы то ни было форме без письменного разрешения правообладателя. По вопросам использования материалов, размещенных на сайте, обращаться на e-mail: belmustheatre@gmail.com
Мы в социальных сетях: