Спектакль Дзяржаўнага тэатра музычнай камедыі БССР "Клоп" завяршыў фестывальны паказ у Маскве адметных работ сцэнічных калектываў краіны. (Паказ прайшоў на пачатку снежня ў Тэатры дружбы народаў). Як паведамілі нашаму карэспандэнту ў Міністэрстве культуры БССР, "Клоп" прывабіў увагу гледачоў і сталічнай крытыкі. Не абышлося без супярэчлівых ацэнак, але ў цэлым прадстаўнікі СТД СССР, крытыкі, музыказнаўцы павіншавалі беларускую трупу з творчым поспехам. Спектакль "Клоп" (рэжысура В. Цюпы, музычны кіраўнік А. Сасноўскі, мастак У. Жданаў) даў падставу гаварыць пра цікавы напрамак у творчым жыцці калектыву, вызначыць шмат станоўчага ў прафесійным майстэрстве акцёраў Дзяржаўнага тэатра музычнай камедыі БССР.

Літаратура і мастацтва. – 1988. – 30 снеж. – С. 13.