« НазадШЛЯХІ ГАСТРОЛЬНЫЯ НЕВЯДОМЫЯ…Свярдлоўскі тэатр музкамедыі прыехаў у Мінск праз 60 гадоў З 5 па 25 чэрвеня вялікія гастролі Свярдлоўскага дзяржаўнага акадэмічнага тэатра музычнай камедыі з Екацярынбурга праходзяць на сцэне Беларускага дзяржаўнага акадэмічнага музычнага тэатра ў Мінску. Вялікі гастрольны абмен паміж тэатрамі — добрая традыцыя, якая, на жаль, паціху канае. Гастраляваць сёння — справа нямодная, таму што нялёгкая: патрабуе шмат выдаткаў, вырашэння арганізацыйных пытанняў. Свярдлоўскаму тэатру амаль 80 гадоў. Апошні раз калектыў гэтага вядомага і ўганараванага тэатра наведваў Беларусь амаль 60 гадоў таму, калі ў далёкім 1955-м Мінск апынуўся на гастрольных шляхах екацярынбургскай трупы. Гэтым разам Свярдлоўскі тэатр прывёз у Мінск 10 пастановак. Гэта самыя яскравыя спектаклі з рэпертуарнай афішы тэатра — паспяховыя пастаноўкі апошніх сезонаў, спектаклі, якія ў розныя гады былі адзначаны самай прэстыжнай тэатральнай прэміяй Расіі "Залатая маска", а таксама іншых тэатральных фестываляў і конкурсаў. "Кацярына Вялікая" (рэж. Ніна Чусава) — музычныя хронікі часоў імперыі; мюзікл "Мёртвыя душы" паводле М. Гогаля — уладальнік чатырох узнагарод на фестывалі "Залатая маска"; музычная камедыя-фарс "Цётка Чарлі" Фельцмана; "Цыган-прэм'ер" і "Прынцэса цырка" — вытанчаныя спектаклі, у якіх спалучыліся розныя жанры, ад аперэты да эстрады і рэвю; дасціпная пастаноўка "Парк савецкага перыяду" — усё гэта прывёз з сабой Свярдлоўскі тэатр. Ёсць тут і пастаноўкі для маладых і прасунутых "пра сёння". Калі вам хочацца эксперымента, то "Чорт і цнатліўка" і rеаlіtу-мюзікл "www.сіліконавая дурніца.nеt" — спектаклі для вас. Музычная прыпавесць "Беражы мяне, каханая" быў створаны спецыяльна да юбілею Перамогі ў Вялікай Айчыннай вайне ў 2005 годзе. Цікавы беларусам ён будзе тым, што гісторыя гэта распавядае пра беларускую жанчыну, якая адправіла на вайну сваіх сыноў… |
